चिंब - चिंब भिजल्यावर,
आठवण तुझी येते...
सुकलेली ती जखम मग
पुन्हा पुन्हा ओलावते...
ही खरंच आठवण तुझी
की मनाचे खेळ सारे?
" विसरलो-विसरलो " म्हणता- म्हणता
कधीच विसरता न येणारे...
भळभळणारी जखम मनाची,
विचारते पुन्हा पुन्हा...
प्रेम केले, प्रेम करूनी,
असा मी काय गुन्हा केला...
-अस्मित
गुरुवार, ११ मार्च, २०१०
रविवार, ७ मार्च, २०१०
अनंताच्या प्रवासासाठी काळ जरा थांबला...
विसाव्याचे दोन क्षण मिळाले नाहीत त्याला..!!
आठवणींची राख डोळ्यात जाउ नये म्हणून घेतले डोळे मिटून
तरी पण एक उष्ण कढ उतरला गळ्यातून....
आयुष्याला लागलेली किड जन्मभर जोपासली
तरी देखील कळेना ही जगण्याची उर्मि कोठली.....???
चुकले नव्हते तुझे काही, माझेही नव्हते
नियतीने टाकलेले ते दान उलटले होते.
बकुळाचा सुगंध हवेत केव्हांच विरून गेला
कोपर्यातील निवडुंग मात्र नेहमी फुलत राहिला...
नाटक, संगीतात मन आता रमत नाही
भासाशिवाय माझ्यात कोणीच वसत नाही
मनाने लादलेले वैधव्य मी कायमच जोपासले
शरीर मात्र शृंगाराचे घाव सोसत राहीले....
चाललेली सप्तपदि सारखी सोबत होती
पडलेली पावले मात्र उलटी उमटत होती........
शनिवार, ६ मार्च, २०१०
शनिवार, ९ जानेवारी, २०१०
शृंगार
शृंगार
नजरेला नजर भिडू दे, श्वास श्वासात मिसळू दे,
अंतरातील काही ओठांना कळू दे....
उमजले तुला जे काही, ते माझ्यात उतरू दे
फुललेल्या या देहातुनी रातराणी दरवळु दे....
तोडून हे पाश सारे, जे दुरावा आणती,
भावनांच्या जलतरंगाने आज आकाश घुसमटू दे.....
-अस्मित
नजरेला नजर भिडू दे, श्वास श्वासात मिसळू दे,
अंतरातील काही ओठांना कळू दे....
उमजले तुला जे काही, ते माझ्यात उतरू दे
फुललेल्या या देहातुनी रातराणी दरवळु दे....
तोडून हे पाश सारे, जे दुरावा आणती,
भावनांच्या जलतरंगाने आज आकाश घुसमटू दे.....
-अस्मित
याची सदस्यत्व घ्या:
पोस्ट (Atom)