घड्याळ....

काही लोक घड्याळ पाहून 'प्रेम' करतात म्हणे......
अमुक इतके वाजता भेटायचे;
इतके वाजता परत जायचे, नाहीतर घरचे रागावतील.....
इतके वाजता या ठिकाणी नको, ओळखीचे लोक बघतील....
आणि आणखीन बरंच काही.....
मी तर प्रेमात तर सोडाच, पण तिच्या विरहात देखील एवढा वेळ वाया घालवलाय ज्याची काही गणतीच नाहीये...
खरेच का वेळ वाया घालवलाय?
मी अजूनही तिची तेवढ्याच आतुरतेने वाट का पाहतोय....?
तिला ज्याची जाणीवही नाहीये.....
ती रमली असेल तिच्या संसारामधे आकंठ,
की माझीच वाट पाहत असेल, या कातरवेळी.....
नुसतेच प्रश्न आणि त्याला सोबत करणारे घड्याळाचे काटे.......
अखंड चक्र......अखंड आठवणी.......
आता तुझ्याशिवाय यातून सुटका नाही..........