शब्द शब्द शब्द,
एकमेकांना जोडले,
त्यांचे अर्थ मात्र...
प्रत्येकाने स्वत:च लावले....
शब्दांची दुनिया सारी,
शब्दान्नीच प्रीति केली,
शब्दांनी शब्दांना जाणले,
शब्दांनी शब्दांना समजावले
शब्दांचा हा खेळ,
सारा शब्दांचाच मेळ,
शब्द शब्दांसाठी जन्मले,
शब्द शब्दांसाठी जगले
शब्द झेलले, शब्द भोगले,
शब्द निर्मिले, शब्द विलया गेले,
शब्दांची रीत निराळी,
तुला न् मला कधी ना कळली,
-अस्मित
कोणत्याही टिप्पण्या नाहीत:
टिप्पणी पोस्ट करा